仙樂都爆王璐瑤多人追

o靚模仙樂都（吳堯堯）昨日谷胸晒腿於屯門宣傳密室逃脫遊戲，對於有o靚模被指援交？仙樂都說：「收過短訊同私信，問我做唔做外賣，我就答唔接受不道德交易。」談到好友王璐瑤（LuLu）驚爆被一線女星狂追？仙樂都表示：「我知佢多人追。（嫌疑女星有胡杏兒、佘詩曼及楊崢等？）肯定唔係頭兩個。（點解？）唔知呀！都冇聽過LuLu同佢哋出街玩，多數都係男仔追佢。但TB（女同性戀者）如果又高大又有風度，對我嚟講都好吸引！」