24歲春卷恐龍上身 老點李思捷

春卷的生日願望是身體健康及開心，又透露日前有朋友為她在澳門舉行派對。

王宝宝前日24歲生日，她相約一班好姊妹化身恐龍在冰場溜冰慶生，當四綠四粉紅的恐龍在溜冰場出場時，即引來哄動，場面搞笑。

春卷表示自己自小對恐龍情有獨鍾，每年的生日也習慣在家中邊看恐龍電影邊吃炸雞，去年朋友為她在澳門搞了個超激生日派對，請來舞男助興，今年她想簡單一點，於是就想出打扮成恐龍溜冰這個點子。

放大圖片	春卷與多位好友齊穿上恐龍裝束溜冰，相當可愛，晚上則在家邊看恐龍電影邊吃炸雞。

前度負責做跑腿

問春卷為何不叫前度思捷齊齊溜冰？她解釋：「佢玩開冰上曲棍球，溜冰好叻，我哋以前都有溜過，但咁多人喺現場佢會怕醜。佢今晚（前晚）會同我以及大班朋友一齊睇恐龍片、食炸雞，依家佢負責去買定今晚睇戲嘅食物同嘢飲。（思捷有冇扮過恐龍氹你？）冇呀！（佢送咩禮物畀你？）係禮券，我叫朋友唔好送禮物，要送就送禮券。（佢有冇送花畀你？）我唔鍾意花，花都係畀我媽咪插。」

文：名人組