苟姑娘咀開竅搵拖拍
藝人苟芸慧（苟姑娘）和馬國明等昨日於將軍澳電視城拍攝綜藝節目，期間苟姑娘大爆恨拍拖，在巴西有艷遇兼被錫錫的她準備重新出發，積極搵男友，擺脫做盛女！
苟芸慧、馬國明、張秀文和林夏薇等昨日亮相電視城為無綫J2節目《Big Boys Club》進行錄影。仍然心繫世界盃的苟姑娘，自爆難忘巴西艷遇：「之前去巴西好輕鬆，都有艷遇。（被強吻？）都有好Gentleman嘅男士錫我兩邊面。（有聯絡？）冇呀，記得嗰一刻就夠，（接受遙距戀愛？）唔會，過咗浪漫嘅年紀就要接受現實。」
馬明買樓搵老婆
苟姑娘又直言在巴西「叉足電」，準備好重新出發，問她會否盡快找男友？她即自嘲冇人追，還反問記者哪個地方最容易識男仔，她又說：「依家Timing未到，我心靈好OK，不過都要將身體調理好，所以希望大家放過我，令我保持充滿正能量！」
同場的馬國明表示正趕拍新劇《梟雄》，還預告有動作場面：「個故事講上海黑幫，所以會打架。（難忘場口？）暗殺同追逐戲。」馬國明又笑稱愛於炎夏飾演窮人，因為戲服較薄。談到儲錢買樓，他大爆有意買大單位與未來老婆及父母同住。
文：影視組