亞男波來波往 腰精上身

郭晉安、田蕊妮、吳卓羲（Ron）及李亞男等昨日到葵芳宣傳無綫劇《忠奸人》並大玩遊戲，安仔坐輪椅打巨型排球，當中以亞男最投入，她接波時上衣一度飄起，露出纖腰及Bra底。其後玩拉吹氣艇時，陳智燊（Jason）坐在艇上，亞男又自薦獨力拉艇，卻因唔夠力導致反艇，累Jason跌落地。

演奸角的安仔表示，竟引來兒子不滿：「佢問我點解要做奸角，個樣成日好angry咁，佢未識分，我就拉其他爸爸落水，話另外嘅奸角張繼聰、李子雄都係人哋嘅爸爸。我又話下套劇我會演區議員，為市民爭取福利，個仔先開心番。（為囝囝唔再做奸角？）我係為粉絲演戲，阿仔一個好易搞，如果有續集都會繼續拍。」

李亞男與田蕊妮坐在艇上，由郭晉安拉她們。

拉商天娥和楊秀惠時，吳卓羲（右）顯得很吃力。

Ron讚秋生幫後輩

田蕊妮讚劇集口碑佳，不介意素顏出街跟粉絲合照作報答。Ron則得知《衝上雲霄》電影版將開拍，希望跟吳鎮宇、張智霖及古天樂合作，但他要拍無綫劇《梟雄》至11月，故未知能否參演。

提到拍《梟雄》與黃秋生有大量對手戲，問Ron秋生是否很惡？他說：「佢冇鬧人，仲會以輕鬆手法幫後輩。（秋生話會改劇本？）佢改自己啫，係字眼上，改完會同其他人溝通。」

文：影視組