JC飛越山崖半空自拍

女星Jessica C.（JC）早前為有線娛樂台全新競賽式真人騷節目《十萬蚊港女大翻身》擔任嘉賓，與一眾參賽港女到石澳後灘捱熱玩鋼索飛越，由十多層樓高的山崖一端急速吊往另一山崖，甚考膽識！當日十二名港女有一位缺席，早上她們先試玩一次飛越，午飯時她們已體力透支，頹爆感覺猶如「集中營」，認真慘情！

腳震嗌緊張

午後Jessica C.到場示範「升呢版」飛越，在空中邊飛邊自拍，見她在空中仍表現從容，獲得一眾港女掌聲！但事後JC自爆原來心情勁驚：「我準備嗰陣好緊張，腳都震，好驚跌落水，不過我鍾意生命有刺激，之前玩過笨豬跳，但飛越係第一次玩！」

邊飛邊自拍的JC飛越山崖，相當驚險。

馬楚嵐於空中半天吊，腳震震越崖。

多名參賽港女在節目中接受連串海陸空挑戰，最終勝出者可贏得十萬元獎金，參賽者包括𡃁模組合冬甩成員金慧君（KamKam）、「十蚊港女」Hannah（溫芍遙）、寫真Model馬楚嵐、國際旅遊小姐冠軍鄺芷凡（Omi）、傅嘉莉師妹李慧妍（In）及年前寸爆監考老師英文差而紅爆網絡的Ruby（鄧凱旻）等。

眾女玩飛越時真性情盡出，KamKam半空自拍仍大動作轉甫士及擺出放電表情，但行石路時不慎扭親腳，她說：「我唔怕死，我畀自己表現99分！希望贏到十萬蚊租住劏房，依家屋企人太多。」Hannah最狂野空中一字馬，楚嵐則未出發先想喊，至於家境清貧的Yami（黃紫蓉）希望贏得獎金交學費及為婆婆籌醫藥費，可憐她落地後不適作嘔，仍死頂完成任務。

文：立影　

攝：劉斌