孟丹珏闖影壇撩打

有「翻版韓君婷」之稱的孟丹珏(Daisy)身材惹火,選美出身的她最想殺入影圈做打女,更揚言要同「宇宙最強」甄子丹「隻揪」,除了過招之外,Daisy更希望將來的男朋友可以好似丹爺一樣,又顧家又睇得!

杭州姑娘孟丹珏(Daisy)現年25歲,2012年參選亞洲小姐選舉時是大熱門,雖然最終落選,但仍死心不息的她早前再戰港姐面試,可是卻因持工作簽證而未能成功入選,來港選美之路雖然崎嶇,但並未有打擊Daisy在港發展的決心。

在內地參選過不少選美比賽的Dasiy話最有興趣向影壇發展,提到近年有不少女星都以性感半裸的演出殺出血路,問到Daisy可會挑戰?她就揚言:「如果劇情需要,可以試吓呀,但點都會有底線嘅,同埋要好好Keep住自己副Body。」

揀仔要有責任心

講到拍電影,甄子丹、黃秋生及謝霆鋒均為炙手可熱的男影星,問Daisy最想同誰合作?她二話不說表示:「我鍾意子丹,好打得,好Man好型,想試吓同佢拍戲。(想做受佢保護嘅女人?)反而想試吓打過,可以挑戰自己!」

那麼Daisy可希望結識一位「翻版丹爺」做男朋友?她就笑指:「男仔有責任心先係最型!(遇過唔負責任嘅男仔?)唔係,只係自己份人有啲直腸直肚,仲有啲男仔頭,所以好多時都係性格不合而分手。」

文:音樂組

攝:劉斌