王麗嘉星二代勁舞
馬詩慧和王敏德的二女王麗嘉（Irisa）昨日現身北角排舞室，與一眾星二代包括黃日華愛女黃芷晴（Adrian）與夏雨長子黃俊銘（Dixon）為瑞士天梭表舉辦的「第17屆仁川亞運名錶匯演」進行綵排，三人大騷苦練多時的舞技。
王麗嘉表示現為演出積極苦練：「我叫家姐（王曼喜）教我，佢除咗識跳Hip-hop，都有跳芭蕾舞，其實佢咩都識。」被問到是否首次行騷？她說：「唔係話有好多經驗，不過唔係第一次行騷。（有冇考慮接泳衣騷？）唔知，要問番媽咪先，平時私底下都會着泳衣，可能喺香港會少啲，美國反而多啲。」而對於父親王敏德早前爆她多男生追求，對此她表示：「冇呀，係咩？佢冇同我講過，所以我唔知。（依家有冇拍拖？）有，喺美國。」