黃榕毛巾搓胸美魔球

性感火辣的黃榕最近再出寫真，每年都為fans帶來驚喜元素，堪稱寫真界元老代表，在眾多新進o靚模圍攻下依然屹立不倒。凡事搏盡的黃榕日前為本報拍下超激性感照，起初穿內衣上陣大騷事業線，其後逐件脫大方半裸露美背及東半球，回眸眼神更是充滿電力，自誇真胸的她更正面向鏡頭，只以毛巾遮胸，笑言要表演「毛巾搓胸升Cup大法」，勢令一眾宅男鼻血直流！

遇鹹豬手爆喊

黃榕近年經常獲邀往內地夜店登台搵真銀，但多次硬食鹹豬手，被酒客借醉摸Pat攬腰抽水，有苦自己知，她表示曾匿埋偷泣：「其實都會唔開心，試過返屋企喺度喊，不過為搵食冇辦法。」雖然「賺皮肉錢」背人垂淚，但她堅持要賺錢養家，對於近期潮興「爺孫戀」或「求包養」，33歲的黃榕直言絕不考慮：「我唔接受畀人包，更加唔會同伯伯一齊，寧願自己辛苦啲，都希望親手搵錢買樓養家人，而且到呢一刻我仲係鍾意後生靚仔，如果過幾年感情仲係冇着落，可能出錢包養小白臉都唔定o架！」

黃榕玉背大解放誘惑宅男。

黃榕稱感情冇着落，不排除包養小白臉。

文：影視組　

攝：吳文聰

場地：Blossom