蘇永康疑千嬅跌bra 梁漢文喪笑
梁漢文（Edmond）對於發生「跌bra事件」，他接受電話訪問時哈哈大笑一輪，並自認是首位發現者：「我見到前面有塊透明嘢撻咗喺地度，即刻叫蘇永康睇囉，大家討論咗一陣，唔肯定係nude bra定鞋墊，又唔敢掂佢。（做乜唔執？）咁佢本身係撻喺地下嘛，況且發現嗰陣我要趕住影相，或者叫物主打電話去紅館失物待領攞番啦。」
身在新加坡的蘇永康亦笑說：「第一個感覺係缽仔糕，又似增高鞋墊，因為係細size，仲討論係邊位女星跌咗。我有諗過係咪千嬅，因為佢啱啱行過，如果係就大鑊救唔到佢。又諗過問官恩娜，但佢又行開咗。」