鄭伊健（目及）勻全身 娜姐鬧出真火
藝人鄭伊健及周秀娜（娜姐）日前「情侶檔」為新戲宣傳，二人除了在戲中共浴外，伊健還大爆連娜姐換褲等「醜態」都睇過晒，拍嘈交戲時，娜姐的兇狠指數爆燈，更嚇佢一跳。
伊健及娜姐日前齊齊受訪，宣傳新戲《分手100次》。於戲內演歡喜冤家的二人，戲外亦不忘駁火互窒。伊健對娜姐先彈後讚，令於戲內演野蠻女友的娜姐慘被窒到投降！伊健又自爆於戲中，看盡素顏娜姐的各種「醜態」：「導演要求拍得生活化，所以同居時佢要頭髮好亂咁拍攝，又唔可以化濃妝同戴大眼con！（咩都睇晒？）連佢換褲都睇埋！」
親熱戲流口水
問到戲中娜姐是否有多場親熱戲？她笑稱流晒口水：「有場沖涼戲令我諗到都流到全身係水！」伊健又揭爆「雙面人」娜姐嘈交異常兇狠：「拍之前佢明明話唔識嗌交，點知一同佢嘈就發現佢兇狠指數好高，不停同我駁火！」娜姐則反駁被對方激親：「佢好衰同好激心，令我好投入角色去鬧佢！」
賣口乖撩唱K
問到娜姐有否把對前度男友的不滿發洩在伊健身上？她即尷尬澄清：「我真係唔識嗌交o架！我拍戲嗰時冇諗其他人，淨係畀伊健吸引住！」見到娜姐「賣口乖」，伊健即大讚對方性感哄番伊人：「佢把聲好性感，人又正。（佢身材正？）拍緊戲太近睇唔到，佢應該去唱歌。（撩佢唱K？）好喎。（唔怕老婆呷醋？）咁多人一齊去！」
文：影視組