陳茵媺親子游 拒做怪獸
索爆媽咪陳茵媺（Aimee）昨日出席活動，稱為囝囝搜集資料報playgroup，並笑言不希望變成「怪獸家長」。她又盼暑假能一家三口去旅行，以及親自教兒子游水。
陳茵媺（Aimee）昨日在大埔出席《新達廣場夏日祭揭幕禮》，席間，獲大會安排的小女孩送B女公仔，又向現場觀眾大派禮物，被司儀問到會否想追女？她笑謂：「遲啲先啦。」並稱上月一家三口去澳洲悉尼，認為去旅行可令家人關係更close。問到暑假會否出埠？Aimee指首要看拍劇中的老公陳豪檔期：「去邊度都冇所謂，我都鍾意陽光與海灘。
未揀定學校
提到7個月大的兒子陳梓燁（Aiden），她透露打算為囝囝報讀playgroup，但目前還未揀定學校：「我要做research，睇吓（學校）遠唔遠，好多嘢要諗。（老公有畀意見？）有，但我要親自去學校睇吓，希望環境令小朋友開心。」問到是否「怪獸家長」？Aimee笑道：「I hope not（希望我唔係），揀學校除咗要睇家長意願，仲要睇小朋友性格適合邊種教法先決定。」她又直言想趁暑假親自教Aiden游水。
否認棄愛貓
對於被轟為兒子棄養三隻愛貓，Aimee昨主動澄清絕無此意，自言目前還在母乳餵哺，故不能服用抗敏藥：「啲藥我食咗6年，亦都唔介意食，領養番嚟都覺得同小朋友一樣要尊重、係一生一世，我同朋友都有共識，BB戒人奶後會帶啲貓返屋企，希望大家唔會繼續誤會落去。」她坦言間中有探望愛貓，希望日後能介紹牠們給囝囝認識。
文：影視組