連詩雅聞空難嚇到面青
馬來西亞航空日前再次發生嚴重空難，全機乘客及機組人員無一生還，自幼與媽媽相依為命的歌手連詩雅，因其母亦於空難發生當日飛往馬國，兼一度失去聯絡，當她睇新聞得知慘劇時嚇到面都青！
歌手連詩雅（Shiga）、名模陳嘉容（Eunis）、「翻版徐子淇」鍾浠文 （Zelia）等前晚同出席品牌時裝騷，Shiga穿上露背長裙擔任模特兒行騷，艷壓全場，藝人朱慧敏亦有行騷。憂心忡忡的Shiga表示，馬航空難發生當日（17日）的早上才得知母親出發往馬國，雙方還一直無法取得聯絡，她嚇到面青：「我睇咗馬航新聞之後一直同媽咪失去聯絡，又唔知佢坐咩航班，所以全日都好擔心同不安，好彩開騷前啱啱搵到佢，知佢安全到達，先放下心頭大石。」
搭機恐懼
Shiga自爆從小對乘搭飛機有恐懼，不過現時已比入行前大膽了：「出親trip做嘢，起飛同降落我都會捉實隔籬個同事，所以佢哋通常話同我出trip一定有人受傷！（入行前未搭過飛機？）好少，之前要食敏感藥等自己易啲瞓着覺。」
Eunis腳痕
身穿超deep V晚裝、中門大開的Eunis特前來支持好友設計師，但對沒安排她擔任模特兒行騷有少許微言：「係喎，佢叫我舒舒服服坐低睇咋，有啲腳痕，有時聽到音樂節奏會興起想行。」此外，早前她四處旅遊品嘗美食，故囤積了兩大嚿脂肪，但零艷遇：「次次去旅行都冇，因為我唔會隨便同人傾偈，搭飛機坐隔籬都會傾吓，落機講拜拜之後就唔會見。」至於Zelia亦以低胸裝亮相，大晒事業線！
文：名人組