Ashina遭杯葛淪配角
與盛品儒一啜成名的o靚模郭奕芯（Ashina），昨在書展谷寫真時慘遭SSH隊友杯葛，據知Ashina有意脫離SSH兼獲多間經理人公司招手，故令隊友眼紅；而其他o靚模趁機互寸爭上位，48歲的溫碧霞則拒與妹妹仔惡鬥：「我唔係刻意性感！」
18歲的人氣o靚模郭奕芯（Ashina）昨日連走三場為《Super Sex Hero》（SSH）、《School Girl》及個人電子寫真集造勢，吸引大批粉絲撐場，不過人紅是非多，據悉，正當外界以為她是SSH組合成員，事實上她屬自由身，近日見Ashina獲不少公司接洽，SSH方面當然希望「肥水不流別人田」，以金錢利誘她簽約，但一心進軍銀幕的Ashina目前仍在考慮中，未知是否因此惹來SSH老闆不滿，昨日Ashina為其寫真集宣傳時，雖然性感度十足，卻被隊友杯葛慘變配角，反而以騎呢見稱的AD2前成員Angi獲「寵幸」企中間。
仙樂都踩場寸爆Amy
但Ashina似乎也有意脫離SSH，心情未見受影響，照樣笑笑口，而她還要宣傳另一本寫真集《School Girl》和電子個人寫真集，難怪依然風騷。問她有否將電子寫真給盛品儒看，她說：「自己嘅工作唔關盛生事。」她又承認《好報》指她因攬啜事件導致與男友分手一事屬實，但不想再提。
至於其他o靚模亦趁機互寸鬥上位，仙樂都出席好友新書活動時，狂嘲好友AD2成員Amy扮露點：「其實有時佢做啲嘢冇咁嘅需要。（扮露點？）我覺得唔使囉！起碼我唔敢搞阿叔，佢爆血管點算？我點賠番個阿叔畀人！」有份出寫真的日模山內藍（Blue）與拍檔徐浩昌（肥腸）前晚出席《舞出真我5》首映禮，對於Amy扮露點博宣傳，山內藍直言反感：「好似拍AV！」提到同鄉清穗久美子自稱寫真狂賣一萬本，山內藍暗寸對方報大數：「佢喺日本都賣唔到一萬本！」
溫碧霞非刻意性感
而溫碧霞以將近48歲之齡出寫真，昨日她身穿低胸裙在書展谷書時，表示前日才返港，故未知實際銷量，但冧爆說老公會買一百本支持她，問到可會介意與o靚模比較，她說：「唔同女仔有唔同味道，我唔係刻意性感。」
採：名人組、影視組
文：專案組