「索腿傅穎」獲男友撐冇整容
入圍港姐競選的16位佳麗前晚接受完儀態訓練後，於晚上十時半乘搭接駁巴士，離開電視城往將軍澳港鐵站，被指爛蒲及整容的「索腿傅穎」Janet，對於整容、爛蒲、是否與身家逾5億的詹勝拍拖及擔心負面新聞影響形象等提問，概不回應，邊說不好意思，邊低頭急步而行，更緊張到滿面通紅，她去到港鐵站後，先往增值八達通，再趁油塘轉車站人多，撇甩記者。
本報就Janet被指愛蒲及整容聯絡其男友詹勝，他力撐女友說：「我睇到嘅係佢五年前中學畢業相，佢冇整容，係妝前後分別，佢好乖，唔鍾意夜蒲，我哋都唔係夜蒲識，係朋友介紹識。（擔心女友選港姐引致分手？）佢嘅決定，我支持。」他又否認曾與許亦妮拍拖：「我同許亦妮只係朋友！」
此外，「清純栢芝」楊埕（Sabrina）前晚乘港鐵到九龍塘站轉東鐵到大圍落車，換了平底鞋的她，露出黑色bra帶，在一大型屋苑前停步傳短訊，之後便上樓。楊埕亦被發現在instagram上載集訓短片，深諳自我宣傳之道。
