JC避走光：識保護自己
名模Jessica C.昨日以超短Tube dress上陣，撐好友新書。要即場轉look的她，被要求坐下更換高跟鞋，為免走光益街坊，她斷言拒絕，並表示經歷過不少意外後，已懂保護自己。
「警鐘模」Jessica C.（JC）昨日為支持Stylist好友出書，以迷你性感Tube dress現身書展。期間JC更即場轉Look玩變身，當被要求坐到椅子上更換高跟鞋時，醒目的她即禮貌地拒絕，成功避免走光人前。事後JC說：「經歷一啲意外後，我已識保護自己，依家會更加醒目。（着衫品味如何培養？）都係嚟自工作上遇到的人，同埋好友。（揀男友都咁有品味？）我覺得係，我每段關係都好長，以前就睇外表，鍾意靚仔，依家會着重內在美。愛係人生中嘅練習。」
羨慕新婚基仔
而曾為古巨基MV任女主角及演唱會嘉賓的JC，亦主動祝福基仔與拍拖20年的Lorraine新婚之喜：「可以喺埋一齊20年好amazing，我都感動到想喊，好羨慕佢哋，希望我都可以有段咁長久嘅關係，好浪漫。（會唔會喺洛杉磯註冊閃婚？）唔知，surprise無得plan，可能有日我會都未定。」
囡囡最愛睇書
而藝人姚嘉妮與老公林祖輝昨日為新閱會任分享嘉賓，帶領千名小朋友參觀書展。姚嘉妮坦言甚有意義，提到5歲囡囡亦甚愛睇書，每晚都要父母為她讀書。問到暑假會否安排多樣活動給女兒？嘉妮笑言女兒是「怪獸兒童」：「逼我畀佢學嘢，因為佢覺得喺屋企悶。」
文：外娛組