陳豪蓋鳴暉愛鬥氣 爭住萬歲
藝人陳豪、蓋鳴暉、龔嘉欣、陳智燊等昨日在無綫電視城出席新劇《水髮胭脂》開鏡拜神。他表示經已開工一星期，更說好舒服：「起碼我可以坐喺度欣賞，唔使唱（大戲）。」他亦大讚蓋鳴暉是開心果：「又闊佬、又易相處。（成日『萬歲』？）係呀，成日請食飯！」但有否親熱戲？他就坦言沒有，不過劇中會做對歡喜冤家。談到李心潔到另一間電視台試造型，他就指業界都需要演員，自己亦想和不同對手合作。
劇情似《愛‧回家》
至於十年未拍過長劇的蓋鳴暉謙虛話當自己是新人：「好多嘢都要重新學過！」而是否如陳豪所言成日「萬歲」？她就非常豪邁：「有咩所謂！佢都好好，成日爭住畀。」不過她又大呻近日天氣熱，更中了兩日暑：「返到屋企有少少發燒、頭痛，即刻要食藥。」她又表示開心可以在公仔箱呈現粵劇，更為此出動私伙服裝，非常認真。大讚劇情輕鬆的她更笑言：「我覺得（套劇）有少少似《愛‧回家》。」
至於回巢飾演陳豪下屬的陳嘉輝就指未熟習環境：「因為太大喇！入到嚟搵邊度都差唔多咁，有啲迷失嘅感覺。」更笑言要摸索才知道泊車位置。
文：影視組