顏卓靈出書悼大姨
形象正面開朗的新進女星顏卓靈（Cherry）將推出文字書，以書信方式表達她對不同人及事的感覺，表現感性一面，在眾多女模鬥露肉出寫真之時，堪稱一股清泉！
其中一篇她寫信給因癌病過身的大姨，提到難忘事，Cherry說：「大姨笑得好大聲，好鍾意啲小朋友嘢，試過織好多電話繩畀我。佢癌病復發，係我Call白車送佢入院，睇住佢愈來愈惡化，開始口齒不清，臨走前我話想畀個goodbye kiss佢，佢質塊面埋嚟，依然好淘氣。」她表示寫作期間憶起兩人點滴，多次忍不住落淚。問到若新書反應好會否繼續出書？她表示有靈感自然會繼續寫，最近亦想到一個劇本，若時機成熟有可能拍成電影。