汪圓圓佗B要減肥

玩具大王蔡志明太太蔡李惠莉創辦的安基司幼稚園暨國際幼兒園昨日舉行第十四屆畢業典禮，蔡家上下都有到場支持，新抱汪圓圓佗着七個多月BB亦有現身。穿上平底鞋的圓圓步履輕盈，她說：「我算行得快，但係夜晚就瞓得唔好，啲骨會痛。（開始買BB嘢未？）等媽咪同家姐（汪詩詩）喺加拿大返嚟先一齊買。佢哋喺加拿大都買咗好多嘢畀BB，早排姐夫（甄子丹）返去拎咗啲畀我，有BB衫同BB比堅尼。（姐夫人肉速遞畀你？）姐夫對我好好，佢話睇住我大，我就好似係佢個妹妹咁。」