Rita Ora盛夏腰精

名媛Nicky Hilton

「充滿70年代風格，連身褲、入膊設計同op-art圖案都係懷舊元素，復古得嚟好有夏日氣息。搭配accessories亦好穩陣—黑鞋同黑手袋。」

英國歌手Rita Ora

「好有青春活力，白、橙撞杏色充滿夏日feel。迷你裙夠晒年輕，依家興運動風，高踭波鞋舒適又有型，啱晒佢呢啲青春少艾着！」

英國潮女Alexa Chung

「失敗之作，全黑穩陣保守，又冇accessories搭配，全身空盪，平底鞋冇高踭鞋展示曲線嘅效果，作為『潮女』，睇唔到所講嘅搭配功力。」

樂壇天后珍妮花露柏絲

「着得佢好肥，貼身裙已經好難着，格仔圖案仲更加顯得膨脹，胸腰成一直線。不過條裙幾靚，珠片亦好搶眼，係佢難得斯文保守嘅造型。」

前邦女郎Gemma Arterton

「Tone-on-tone係依家流行嘅元素，而裙襬設計特別，搶眼奪目。中空裝造型性感，上衣唔係貼身剪裁，令人有遐想嘅性感。」

名模Cara Delevingne

「晚裝裙配返工手袋呢個搭配好騎呢，完全唔襯，着得咁grand咁斯文，襯番個clutch小手袋已經好優雅。」

幾荷性感

常見於春夏服裝的荷葉邊充滿夏日氣息，風格女性化，更增添活力感。Peplum dress腰位的荷葉邊可以顯瘦，就如傅嘉莉身穿的一字膊crop top，配以peplum dress，露出小蠻腰，有性感的效果。至於佘詩曼雖然也是單色裙，但不規則立體荷葉邊裝飾細節多，花巧又funky，連Janice也大讚她造型有驚喜！

王麗儀Profile

王麗儀（Janice Wong），一位時裝作家，是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。