蕭正楠遲大到 斟茶耍冧
藝員黎耀祥、蕭正楠（Edwin）、胡定欣和曹永廉等前晚出席無綫新劇《商戰》於中環舉行的煞科宴，惟Edwin則遲了近一個鐘才到場，阿廉戲弄Edwin，要他到場一刻向席上高層曾勵珍斟茶認錯。事後問與女友黃翠如拍拖而遲大到？Edwin笑稱汗非為跑來現場所流，而是怕珍姐所致：「講笑啫！星期五難搵的士，即刻改搭小巴再轉港鐵，嚟到樓下又搵唔到，跑咗幾條街所以流晒汗啫！（曾要女友等你？）冇，我哋通常收工時間唔同，邊去邊約時間，唔差太遠！（一齊睇波？）未知，我知佢愛隊巴西出咗局佢喊晒好傷心，不過，德國、阿根廷都係佢愛隊！」
祥仔讚陳凱琳有潛質
完了《商》劇的祥仔稱正為另一新劇《梟雄》開工，對秋生認為今次拍無綫劇有如奧運跳高選手去跳繩有欠發揮，祥仔則笑說：「秋生唔使跳高已經係世外高人，拍劇可謂駕輕就熟，（讚你？）因為我角色好癲，佢話我演得似吳鎮宇，要叫佢收版權費，我覺得似鎮宇哥都好好，全部都係高人！」另他更大讚演妹妹的後輩陳凱琳演戲有潛質。
同場的定欣被問及早前為老友胡杏兒於出海期間拍下索爆泳衣寫真，定欣稱：「最鍾意幫杏兒影相，因為佢係甫士王，（自己唔影？）嗰日我準備未夠，唔想被比下去，（出寫真？）好期待成班姊妹組隊去陽光海灘，由我操刀幫佢出寫真集，試過提議杏兒裸露上身，但要搵啲荒島先得，（自己幾時影？）等我keep好身材先！」
文：影視組