Rosemary不離不棄 感動Jason求婚

名模Rosemary與中印籍富商男友Jason的婚期暫定於明年初，早已同居的兩人坦言已過着夫妻生活。Rosemary認為一紙婚書毫不重要，反而是Jason堅持要結婚，她說：「我哋想生小朋友，但其實我唔介意做未婚媽媽，反而係Jason一定要結咗婚先有小朋友。」

Jason於去年5月18日完成北京長城馬拉松後，向Rosemary當眾求婚，Rosemary說：「Jason跑到29公里嗰陣拉傷咗隻腳，我陪佢手拖手跑到終點後，佢就同我求婚。雖然Jason一早計劃好，但我事前完全唔知情，真係好驚喜！事後Jason同我講，話如果我當時掉低佢自己跑咗去，佢就唔會同我求婚，哈哈！」

放大圖片	Rosemary認為一紙婚書毫不重要。

訂造獨特鑽戒

Rosemary笑言當時Jason連求婚戒指亦沒有準備，但她毫不介意，全因她被Jason的感人求婚台詞打動。她說：「佢話我哋嘅感情就好似跑馬拉松咁有起有跌，不過只要我哋互相扶持，咩難關都可以走過。」回港後，他們齊齊設計並訂造這獨一無二的求婚戒指。她說：「我唔鍾意傳統鑽石戒指嘅爪形設計，所以設計咗唔用爪形鑲嵌方法。Jason建議喺戒指裏面刻同心結嘅圖案同埋我哋嘅名。」

當日兩人攜手過終點，求婚後Rosemary感動到攬實Jason。

放大圖片

服裝：Trinity Bridal

採訪：名人組