公開戀情被取笑 蕭正楠收工趕湊B
藝人蕭正楠（Edwin）、黎耀祥（祥仔）、胡定欣、陳國邦等昨日在數碼港為新劇《商戰》開工。有報道指Edwin與黃翠如雙雙向無綫請假去旅行，Edwin首度開腔澄清未有計劃與女友翠如BB去旅行，他說：「拍完《商》劇之後，先後去澳門同上海工作，9月份才開新劇，即使去旅行都唔需要請假啦！」
Edwin公開「翠蕭戀」後直認已做好被追蹤的心理準備，他笑謂：「影就無可避免，但唔好影得咁醜樣，嗰日啱啱瞓醒諗住落街買嘢食咋！」他又說最近成為兄弟們的取笑對象：「佢哋（指黎耀祥、陳國邦等）見我收工就問我：『係咪趕住返去湊B呀？』依家有痛腳喺佢哋手！」
互窒冇隔膜
祥仔拍畢《商》劇之後馬上開拍《梟雄》，要剷青剪「上海頭」配合劇集造型，祥仔直認有份取笑Edwin：「我梗係有份啦，我哋幾個感情好好，冇隔膜。（點笑佢？）見位就入o架啦，我哋成日互窒！」胡定欣則說與男友感情穩定，不過尚未有結婚打算。
文：影視組