Coffee發燒避見高層 樂易玲：唔可以輕手
近日與富二代於殘廁「Gathering」成為全城熱話的林芊妤（Coffee），原定於昨早返無綫與高層會面交代事件，不過最終以患病理由「甩底」，製作資源部總監樂易玲下午時分會見傳媒，透露會待Coffee精神一點才再見面，不會向對方發最後通牒，雖然內部已有共識，但仍給予Coffee當面解釋的機會，問到會否了解事件過程？樂小姐謂：「重新睇過條片？閂埋門睇佢自己想點講（聽完之後有冇彎轉？）今次係幾嚴重，有時要維護公司形象，有啲嘢係唔可以輕手。」
對於Coffee與羅天宇有親嘴相流出，樂小姐看罷有關報道便謂：「啲相係私人相機拍，係邊個大家心知啦！」
而Coffee亦透過短訊回覆本報，透露正在發燒，承諾會盡快與公司交代事件，望獲得改過機會，更指到北京只是傾談當瑜伽導師事情，至於羅天宇則於電話訪問時，直認雙方4、5年前拍過拖：「啲相係佢影，我冇呢個習慣，佢話畀朋友出賣，呢幾年專注工作，唔想因此影響力形像，亦唔會有更激嘅相流出。」