曾志偉、譚詠麟及方中信等人投資開設火鍋店，前晚邀來佘詩曼等撐場舉行試食會。志偉與方中信表示今次投資，純粹希望藝人多個聚腳點，方中信坦承自己以往也曾做過生意，但損手離場，至於志偉近日雄心壯志，入股火鍋店又花上七位數字支持細姪女黃宇詩經營胸圍店，問到會否同樣支持兒子開戲時，志偉搞笑答：「咁咪好大鑊？都支持嘅。（開戲捧女友？）咁又唔好，分手咪蝕？」
佘詩曼則透露剛拍畢無綫新劇，目前處於休息狀態。談到無綫重頭劇找來黃秋生等外援擔正，阿佘即幫口謂：「公司大把人有分量，咁我以前都拍過張智霖等啦，成日都有咁嘅情形。」
