徐子珊極限晒背拒行股惑
無綫花旦徐子珊在前晚播出的劇集《點金勝手》大騷白滑玉背，引來網民紛紛截圖、瘋傳，再次成為焦點的她感謝觀眾支持，但因電視尺度而拒做「股」神。19日牛一的她又稱「一朵花都冇收到」，並自嘲要自我檢討。
徐子珊近日再次挑戰性感尺度，於前晚播出的劇集《點金勝手》中，為了得到胡定欣的信任，不惜在銀幕前寬衣解帶，盡騷白滑玉背，旋即引來網民截圖，成為全城焦點。據知她拍攝時是親身上陣，認真搏到盡！昨日子珊透過電話回應：「多謝，希望大家多多支持套劇啦。（下次會否挑戰做「股」神？）唔會，因為電視尺度問題嘛。」
穿上低胸裝的子珊昨日又聯同黃宗澤（Bosco）、梁靖琪（Toby）和梁政珏等，在中環出席《點》劇宣傳活動，本月19日生辰的子珊透露，與一班好友遠赴土耳其度過，問到今趟旅行有否艷遇？她說：「一個人去旅行都遇唔到，我唔可以異地戀，要成日黐住對方。」有否收到神秘禮物？子珊笑謂：「一朵花都冇收到，真係要檢討吓，最開心係收到兩個姨甥女唱生歌嘅video，好sweet。（想生番個？）盡快啦，我好鍾意小朋友。」
屈公司請去旅行
首次返港宣傳該劇的Bosco稱，頭15集在內地的點擊率已破兩億：「希望到大結局整多幾億就唔錯嘞！」會否着褲仔谷收視？穿黑色短褲的他笑道：「我考慮吓着熱褲啦。我同監製講不如搞內地宣傳啦，順道屈公司請我哋去旅行，上海、廣州都殺！」
提到早前因內地航空管制滯留機上七小時，Bosco笑稱從未試過：「翌日睇新聞先知有人更慘，等咗10幾個鐘班機取消埋，未見過有人話落機走人。（你有鼓譟？）都冇計，本來夜晚11點幾到上海，結果朝早6點幾先到。」問到有否探「前女友」楊崢？他即笑謂：「咁耐仲講呢啲？（返嚟有見？）好忙呀！」說罷剛好活動開始，Bosco便側側膊趁機閃走。
文：影視組