李蕙敏趕生B 急割子宮瘤
婚後積極「造人」的歌手李蕙敏（Amanda）日前神秘入院，切除子宮內的良性腫瘤，雖然生B計劃要一度擱置，但Amanda就獲好友送上愛心烏雞湯及老公的貼身服侍，實行養精蓄銳繼續努力！
結婚不久的李蕙敏，早前被本報拍得往中藥行執藥，以調理身體全力「造人」，昨日她就在微博上載烏雞湯的相，並留言表示：「在醫院過了一星期，雖然還是行動不便，仍要休息。謝謝朋友們的愛心湯水和粥！無論如何，能回家真好！」
康復進度良好
就上述微博留言，記者昨日致電Amanda，惟未有回覆，而Amanda的公司同事就透露她日前入院做婦科手術：「Amanda做完演唱會之後做身體檢查，發現子宮入面個良性瘤大咗， 聽醫生意見要及早切除，佢好驚，因為咁大個女都係第一次咁樣。」
該同事又指Amanda的手術相當成功，還說Amanda的老公Serge Micallef每日收工都會即時到醫院陪老婆。該同事表示Amanda康復進度超好，由原來要留院八日縮至五日，她現於家中休養，但傷口仍有時會痛。
休養後可造人
問手術可影響Amanda生B？其同事謂：「醫生話如果想生就要盡快做手術，之後休養完就可以造人，佢七月會出新碟，所以依家最好休息多啲。」
文：音樂組