高鈞賢俊臉捱啜
高鈞賢現時於巴西為世界盃拍特輯，經常孖住上的拍檔是張秀文，採訪期間經常有突發或混亂事件，通常都是高大的高鈞賢保護秀文，不過日前連高鈞賢都被女球迷索吻，直接咀他的臉，高鈞賢接受訪問時坦言：「依家我會同張秀文互相好好保護對方。（女球迷都咁狼？）呢度好多日本人，啲巴西人都好崇拜亞洲人。」
此外，之前高鈞賢去一個類似演唱會的場館睇波，場內有live band唱歌，氣氛熱鬧，高鈞賢憶述危險時刻謂：「因為張秀文戴咗假髮，啲球迷都扯佢個假髮，又噴啤酒，我都即刻拉埋佢一邊。」及後他又再遭女球迷要求錫錫，當他一聽對方指想kiss，即拒絕說：「No No No,go Brazil！」