楊婉儀投資保守蝕少少
前港姐楊婉儀昨日出席基金公司活動擔任嘉賓分享投資心得，但她謙虛指自己投資經驗少：「以前香港風氣興炒股票，我羊群心理見人買我又買。（有冇蝕？）我好保守唔係買好多，蝕少少，但冇乜發展。」她透露將開設投資八位數字的幼稚園，由於是國際學校，她坦言對教育制度有信心。
同場的香港足球員陳肇麒早前向女友Toby求婚，並預計明年結婚。問到為何如此快脫離單身行列，他回應：「唔快喇，都計劃咗大半年。（女友咩反應？）感動啩，係開心。（驚唔驚女友對你冇信心？）冇信心就唔會應承。（向女友作出承諾？）承諾唔使講出口，在心中。」