藍奕邦告別兜踎
踏入樂壇十周年的歌手藍奕邦，昨日正式加盟環球新藝寶並舉行記者會，獲師兄師姐向他邀歌的藍奕邦自言告別「兜踎」，師姐吳雨霏更登穿藍色浴袍「玩脫」晒香肩贈興。
藍奕邦加盟環球新藝寶旗下，昨日除吳雨霏（Kary）、樂隊Mr.及Robynn & Kendy親身撐場外，還有張學友、陳奕迅、陳慧琳、譚詠麟及李克勤多位環球歌手拍片祝賀。Kary最識做穿上藍色浴袍出現，內裏以Tube-dress打扮，她脫下浴袍時刻意騷誘人香肩，之後再將浴袍穿到阿邦身上，Kary笑言要讓阿邦一嘗她留在浴袍的餘溫。
有幸欠歌債
問到阿邦為何不騷六舊腹肌？他表示待開紅館演唱會才出動，但要等新碟推出及儲多些歌才考慮。上月他頸椎移位，暫時只能游水及練氣功，意外發現游水竟可達修腰效果。至於環球歌手紛紛向他邀歌，歌債纍纍？阿邦坦言：「喺呢十年嚟都有『兜踎』嘅日子，嗰時想寫歌畀人都冇人搵，依家有人搵就唔好嫌辛苦，唔係人人都可以欠人歌債，係種福分嚟。」
問到Kary可有聯絡從內地回港的傅穎（Theresa）？Kary稱有互傳短訊，更計劃出來飯聚，因已近兩年沒見面。可擔心見面時認不出Theresa？Kary坦言：「點解呀？（佢成日變臉？）哎吔，呢啲傳聞都好耐啦！」而Mr.主音Alan將於11月與圈外女友結婚，Alan稱正式日子仍未定，承認有造人大計，這亦是他結婚原因之一。
文：音樂組