慧嫻啜學友 小野貓解放
陳慧嫻前晚舉行紅館騷，狀態大勇的她獻唱經典金曲唱出超水準，並與男舞蹈員大跳貼身舞，還請來相識卅年的歌神好友張學友任嘉賓，兩人唱罷來個「friend kiss」，令現場升溫。
陳慧嫻於2003年舉行兩場紅館演唱會後再沒踏足紅館，相隔十一年，前晚她再踏紅館舉行一連三場「Back To Priscilla陳慧嫻30周年演唱會」，吸引「嫩版陳慧嫻」糖妹、關心妍及慧嫻爸爸捧場，慧嫻全晚以八個造型示人，當中「小野貓look」最搶鏡，期間更單挑男舞台員大跳貼身舞。
禁止爆料
當嘉賓張學友現身舞台掀起全晚高潮，兩人合唱完《輕撫你的臉》即來個「咀嘴」，引起哄動，學友自爆認識慧嫻卅年：「相信大家今日見到嘅慧嫻先係真正回歸樂壇，作為識咗卅年朋友非常之開心，恭喜你。」慧嫻感激學友撐場：「我個人好直率、坦白、唔多虛偽，我覺得唔需要特登去搵說話同學友喺台上講，大家心照。」學友笑言有料爆：「你係咪想我講佢哋唔知而我知嘅嘢？」嚇得慧嫻出言阻止說：「唔好喇。」
不再執着
慧嫻整晚演繹多首金曲，令歌迷聽出耳油，她高呼：「I'm back，希望今晚台上還原番一個陳慧嫻畀大家睇。」間場換衫時，大銀幕播出她預先錄製的訪問片，當中提到自己性格似貓：「我似貓咁嗲，好多人覺得我好強，但我係鱷魚頭老襯底。」隨即自爆一直鍾意吳鎮宇，覺得他夠男人味，對事非常執着的慧嫻說：「去到今時今日呢刻，真係非常心滿意足，過去種種，已經唔再執着，未來種種我亦會好堅強，好坦然面對。」
文：音樂組