陳靜恨抽古仔水

演員陳靜（DaDa）與女模徐靖雯前晚到金鐘為電影《Z風暴》謝票，電影前日錄得逾七十一萬票房成單日冠軍。DaDa受訪時透露會隨時現身各戲院謝票力谷宣傳，朋友看過她今次演出也大讚演技有進步，尤其被打的那戲場更被友人激讚。DaDa希望票房繼續升，慶功時古天樂會有現金獎讓大家抽獎，她笑說：「古仔咁疊水，唔使我攞啦，我負責抽獎，到時仲會叫同事加多我幾個名去抽添。」

徐靖雯唔怕醜錫得好

DaDa曾在電影《喜愛夜蒲》拍過在廁所「相聚」的戲份，講到林芊妤（Coffee）在殘廁與男友「相聚」，她說：「我唔識佢哋，睇到都好驚訝，冇諗過現實真係會發生，相信佢哋唔多唔少都受酒精影響，呢啲事絕對唔會發生喺我身上。」

陳靜對於在新戲中的表現獲激讚，大為開心，計劃四出謝票。

徐靖雯演戲能達到導演的要求，說要多謝古天樂。

徐靖雯在片中飾演古天樂老婆，戲中錫了古天樂一啖令女性朋友十分羨慕。該場親吻戲原來是導演臨時加拍，她說：「拍嗰陣都好緊張，古仔好幫到我入戲，導演亦話演員唔可以怕醜，好開心自己做到要求。」徐靖雯透露金融界的朋友大讚電影拍得寫實，她考慮包場請朋友欣賞。

文：影視組