歐陽靖一條龍冧樂迷
藝人兼Rapper歐陽靖（MC Jin）早在2002年已在美國打響名堂，其後殺入本地樂壇和電視圈，直到早年榮升爸爸後才暫回美國陪伴太太和囝囝。專注家庭樂的Jin亦同步製作其第二張個人英文大碟《14:59》。
大碟暫定10月推出，Jin率先和當地的網上音樂平台合作，讓樂迷參與新碟的製作，他說：「我係邀請佢哋一齊參與由創作到發行嘅過程，期間所有樂迷都可以喺網上提供意見。」同時Jin又稱已構思一個售後服務：「大家除咗可以網上預購我隻碟，仲有各式各樣嘅套餐畀樂迷選擇，例如同我一齊吃飯、要我陪打籃球、每天定時收到我嘅短片、將樂迷個名印喺唱片上或者參與拍MV等，總之我會盡量滿足大家嘅要求。」