邱美薇 吳雲甫打到變老友
藝人邱美薇（Chelffy）早前在酒吧消遣，友人與人爭執令她無辜捱打，自此就有不少武術師傅提議她學番一招半式防身，日前Chelffy就拉埋老友吳雲甫（Owen）齊齊學自衞術。Owen曾在加拿大當兵，在當兵期間曾學習自衞術，笑言今次要做Chelffy的沙包，讓對方好好練習自衞術！Owen表示：「我覺得幾適合女仔學，因為女仔唔夠男仔大力，自衞術就好似『四両撥千斤』咁，呢個方法真係唔錯！」
Chelffy表示與Owen是拍攝《愛．回家》而認識，Chelffy表示：「我飾演一個畀佢追緊嘅女仔，點知發現佢同時追緊另一個女仔，嬲起上嚟就摑佢一巴！」，Chelffy笑謂二人是不打不相識，Owen補充：「第一次佢都係扮打，但係真係太假，於是我就同佢講不如你真打啦！佢就真係一巴打過嚟！」