張家輝咀心悠 唔怕變公敵
影帝張家輝憑着精湛的演技獲獎無數，他從幕前跑到幕後首次執導電影，並邀得女神劉心悠擔任女主角。戲中二人有接吻親熱戲，家輝表示是應劇情需要，若然引起心悠粉絲「葡萄」（嫉妒）的話，相信心悠會為他講好說話。
張家輝從幕前走到幕後，首次執導兼主演新片與女主角劉心悠有接吻親熱戲。劉心悠是不少男士心目中的女神，問到因而擔心令心悠粉絲妒忌，家輝說：「係有劇情需要嘅，嗰場戲唔係好長但有親熱元素，但不激烈和露骨，只係交代大家嘅感情。（怕被指公器私用？）唔會咁，如果係心悠都唔會接拍啦，呢套唔係情慾片和唔係嘩眾取寵。（惹心悠粉絲不滿？）相信心悠會出嚟同我解釋嘅。」
諗獎項太奢華
張家輝與心悠合作過後，大讚她是一個好演員，做事謹慎，他說：「我有睇佢近年作品，係一個愈做愈好嘅演員，做事認真好有追求，佢對自己好嚴謹，好想同佢合作。」問到首次執導《盂蘭神功》的感覺，張家輝表示事前已知做導演是一件好吃力和辛苦的事，他說：「導演和演員兩邊兼顧比較吃力，如果再有機會只專注做導演，我會有更大信心做得更好。」問到有否信心提名「新進導演」，他謙虛表示：「自己演戲咁多年，有提名都唔會諗咁多，何況係咁幼嫩導演，諗獎太奢華。」
鬼上身有難度
劉心悠表示張家輝執導認真，每事好仔細想得很清楚才行動，對她十分照顧。對於戲中很多「鬼上身」的戲份，她表示有點難度，她說：「起初我都唔知個方向點做，然後同導演傾，令我好放心去試，而動作和肢體表演方式係我一向都想做多啲嘅。但拍攝時被上身要兼顧鏡頭、表情、肢體，同一時間比較難。」
對於戲中要主動向張家輝投懷送抱，她解釋：「其實係一人多個角色，我當時係另一個人，我鍾意一場戲做兩個人，有好大對比。其中一場戲我要成個人浮起空中，體力上要好堅持才可以完成。」
文：影視組
化妝：Midco Chu
髮型：Edmond Fung @ H.H hair
服裝：VIKTOR & ROLF @ I.T 、ALEXANDER McQUEEN @ I.T