梁佑嘉武儀天下 拒做小三

富家女歌手梁佑嘉去年開始長駐北京拍劇，在劇中飾演後宮三千的其中一位妃子，但在新電影中將「連升幾呢」，初次演出王后一角，她說：「都大挑戰，電影入面我有個仔，都幾大個，轉眼間要做人阿媽，要說服自己，要過心理關口，所以我有問多啲媽咪級嘅朋友，拎多啲經驗。」

學雙節棍傍身

Abella又透露最近忙於跟彭秀慧學演技，另方面又學雙節棍傍身，揚言想演得又打得：「其實我呢個王后有少少暴力，希望我到時唔會太入戲，用咗無情力，整傷對手。我喺入面要出手打人，又要打又要摑，好彩唔使用雙節棍，唔係就搞出人命。」

長居北京的Abella，獲不少內地男獻殷勤。	彭秀慧	梁佑嘉（圖）表示最近忙跟彭秀慧學戲。

險被欺騙感情

在北京人生路不熟，幸好Abella有不少內地男生獻殷勤，提到早前自爆與內地男了解中？她說：「了解完啦，冇下文。因為了解完發現佢有女朋友，我差啲變咗小三。不過佢唔講我聽有女友，我哋又未開始，算唔算呃我？」雖然還有其他男士埋身，不過她對於異地戀十分抗拒，不想中港兩邊走維繫感情。

文：音樂組

場地：東方體育會　

髮型：Kenki　

化妝：Krisie Wong　

造型：Betty Lo