蔣文端東華粵劇月開鑼
東華三院副主席王賢誌（Vinci）、內地粵劇名伶蔣文端及丁凡等，昨日出席《南海一號》及《傾國名花》記者會，Vinci說：「呢兩個劇係『東華粵劇月』嘅籌款劇目，以往要等到《歡樂滿東華》，依家『東華粵劇月』可以多啲機會睇粵劇。」
蔣文端表示：「我期望今次演出，吸納新觀眾，因為兩個戲節奏明快，而且除主角外，連旁邊跳舞嘅女仔都好靚，希望將最好、最精彩演出帶畀大家。」丁凡則指《南海一號》船隻布景令人目不暇給，他說：「隻船可以360度旋轉，搭台最少都要用一日一夜，個劇似百老匯歌劇，可能傳統觀眾未必一下子接受，但內地年輕人鍾意到不得了。」
