黎耀祥靠奸鬥霸氣秋生
黃秋生、黎耀祥（祥仔）與湯鎮業昨為無綫重頭劇《梟雄》試造型，三人合照你推我讓，最後秋生坐正中間「大佬櫈」霸氣十足，秋生演一代梟雄，但劇中要「倒貼」卻有怨氣，而做慣好人的祥仔則突破框框演「癲狗」漢奸。
無綫重頭劇《梟雄》演員黃秋生、黎耀祥、湯鎮業、胡杏兒、蘇玉華、吳卓羲、梁琤、陳煒、梁政珏及唐詩詠等逾半百演員，昨在將軍澳電視城為新劇試造型。監製王心慰表示劇集製作費是天文數字，比起《烈火雄心》要高出幾倍，是她所拍過最人才濟濟、最霸氣的劇集。
秋生以一身白色唐裝長衫、戴帽子的「葉問」look 示人，有型有款，被問到是否收傳聞40萬一集，他笑說：「黐線，TVB點畀40萬一集，30集加埋就差唔多。」秋生謂劇集要到上海拍外景要倒貼十多萬：「打個和啦，差唔多貼錢咁滯，點解咁奄尖？唔係要歎世界、擺款，係為咗休息得好啲恢復體力。」而一眾演員拍大合照時，祥仔、湯鎮業與秋生你推我讓，最後由秋生坐正中間「大佬櫈」霸氣十足。
湯鎮業同老婆備案
而久未在無綫演出的湯鎮業，今次在新劇則十分風流，更「一拖三」陳煒、梁政珏及唐詩詠，除了有咀戲及床戲還要強姦唐詩詠，他笑說：「收到劇本都嚇一嚇，有十幾年冇拍過呢啲戲，都唔知點算，都要同老婆備案。」
而與秋生、蘇玉華於劇中有三角關係的杏兒，稱不會有親熱戲，但與秋生合作則有壓力：「唔介意被罵，係進步機會！」另祥仔一反過往演反派，後期更變成漢奸，自言是狂人「癲狗」角色，希望能與秋生產生化學作用。
文：影視組