西班牙出局 張智霖心碎
張智霖（Chilam）昨日出席與I.T旗下時裝品牌:CHOCOOLATE合作推出的別注系列活動，透露為演唱會而操肌：「準備就緒，聽日上台都得呀！教練話我未夠，不過太太就話夠喇，叫我唔好再操。」
談到世盃熱播，Chilam表示會捱夜睇波，又自嘲是世盃「燈神」，從未估中賽果。他又稱下月舉行的演唱會首場跟世盃撞期，呼籲大家準時入場，他會準時讓歌迷回家睇波。提到他昨日在微博表示因西班牙隊落敗而感覺對世界盃不再愛了，他解釋：「佢係冠軍級嘛，其實喺佢一出場已經覺得有啲問題，個個球員我都叫得出個名，即係代表已經踢咗好耐，球隊老化咗。（估唔到佢會出局？）對佢落敗感到心碎。（因為你係『燈神』？）我真正捧嘅係阿根廷，但係我要同自己講我唔係捧阿根廷。」