法拉hot玩皮鞭扭親頸

陳法拉昨日為首飾品牌PANDORA亞洲首間概念店開幕活動擔任剪綵嘉賓,她透露近期忙於拍攝古裝電影《張保仔》而熱得不得了,她說:「唔可以形容嗰種熱,仲要打晒燈,搭咗個帳幕喺入面拍,我一拍完即刻捐出嚟,成50幾度,咁多年都未試過咁熱。」

雖然如此,但法拉還是大呼好玩:「我個角色要打,要用皮鞭,飾演海盜所以要搽黑,咁樣都幫我防曬嘅。我拍呢套戲瘦咗幾磅,之前條頸又受咗少少傷,平時我少打,拍打戲時就扭親條頸,返嚟香港要做物理治療,但係都值得,部戲個製作好勁,我好榮幸可以參與!」