娜姐祝情敵生意Bra閉
「宅男女神」周秀娜及前港姐譚小環昨日出席shu uemura活動，對於舊愛陳偉成（Avis）現任女友尹蓁晞（Yumi）賣胸圍搶她生意，娜姐謂沒有留意，會否覺得Yumi與她對着幹？她說：「唔會啦，遲啲睇吓有冇新化妝品，可能我會做其他生意。（會唔會嬲？）唔會，點解要嬲？（佢跟你。）個個都要戴，唔會嬲，希望大家都生意興隆。」
小環則透露專注於魚蛋舖生意，雖暫未回本，但每月均有穩定上升的利潤。問她是否打算於旺角開分店？她說：「想，但都係睇定啲先，如果擴充得太快會好易執笠。」提到藝人林芊妤（Coffee）與男友於商場殘廁內「聚會」，她覺得Coffee這樣很蝕底，認為女生要在適當時候Say No。