鄭敬基未拖瑪姬住

緋聞男女鄭敬基與DJ瑪姬前晚出席電影首映時大方合照，被問到是否拍拖？鄭敬基表示已發展至睇戲階段，但暫時是「好好傾的老死」，問到何時拖手？他笑說：「唔會住呀！（有指瑪姬借上位望出碟？）我未擔正過，佢哋當我鄭中基？我點會有實力畀人借？」對於瑪姬被傳整容，他搞笑地篤對方面珠「驗明正貨」。

同場的女藝人陳敏之早前被指搭上有婦之夫監製文偉鴻，敏之表示男友未有過問，只當笑話，她表示曾感到委屈，但控制不到網民言論，並指文監製與家人感情未受影響，自己亦不需要向其老婆解釋。