高聖遠睇緊樓等娶周迅
美籍華裔演員高聖遠自從與內地女星周迅公開戀情後，昨晚首次在港公開亮相，即成為焦點，透露與周迅有結婚打算，但未有婚期時間表，又火速澄清與早前在微博公開與他合照的「柏煊Summer」只是朋友關係，並非前度，向周迅大派定心丸。
周迅男友高聖遠、樂基兒（Gaile）及台灣型男高以翔昨日來港出席溫哥華樓盤活動。與周迅公開戀情後，首度訪港的高聖遠成為全場焦點。
提到陳坤早前指高聖遠與周迅快將結婚，問他們是否有結婚打算？他大方回應說：「我哋希望係。（你哋有冇計劃？）我哋要睇下。（女友有冇同你一齊嚟？）冇，佢唔喺香港。（會唔會想喺溫哥華買樓築愛巢？）我哋睇緊。（想唔想同女友喺溫哥華組織你哋嘅家庭？）時間會話畀大家知，我哋目前唔可以講實啲咩。」而早前曾有一名叫「柏煊Summer」的內地女子在微博上載她與高聖遠的合照，還指高聖遠愛周迅就別來招惹她，即令高聖遠惹來劈腿疑雲一事，他即澄清說：「肯定唔係我嘅前女友，同佢只係朋友。」
高以翔為家人置業
而高以翔賣口乖讚樓盤住宅美，更想預訂多幾間房子給家人住：「家人在加拿大有房子，我想與家人一同住。（喜歡在不同地方置業？）我喜歡旅遊，多數在亞洲如香港及北京，我拍戲時間會在每個地方逗留長時間」他亦透露自己在台灣有物業，但多數的電影製作公司都在洛杉磯。問到會否找女主人？他直言：「暫時以工作為先。」
而現時仍屬前夫黎明公司旗下藝人的Gaile，坦言不清楚有關同屬黎明旗下的JW不想續約的傳聞，並說：「我唔清楚公司嘅事，自己最近都忙做珠寶生意，所以唔可以答太多。」
文：名人組