杜德偉擲百萬古董車造勢
今年積極再戰本地樂壇的杜德偉（Alex），早前除宣布八月舉行兩場紅館演唱會外，事隔十八年再度推出新廣東歌《震》並拍攝MV，為隆重其事Alex更斥資七位數字在美國訂購一架古董車來港作拍攝道具，認真大手筆。
快將舉行演唱會的杜德偉，昨日下午現身上環街頭為新歌《震》拍攝MV，並出動到私伙古董車作拍攝道具，Alex表示：「因為係我十八年來第一首新歌，所以專程響美國訂架車返嚟，佢係我Dream Car，係1941年出廠前後用咗七位數字，拍完後用嚟收藏。」
許雅婷任女主角
除了在上環街頭外，Alex稱早上更到中環鬧市拍攝，吸引不少途人圍觀。而今次MV就找來模特兒許雅婷（Kabby）任女主角，不過Alex表示當中兩人沒有親熱鏡頭，他說：「今次首歌主題係演唱會，或者等演唱會反應好先考慮再做多隻有親熱鏡頭嘅歌。」同時，Alex發現在拍攝街頭貼有「XEME 杜德偉」的貼紙，滿心歡喜表示：「我兩年前已經發現，上網搵過都搵唔到咩原因會有人整張咁嘅貼紙，或者邊個知道可以話我聽。」
問到近日有o靚模林芊妤（Coffee）被拍得帶男友人到商場的傷殘人士洗手間內短聚半小時，對此Alex表示：「其他人嘅事我不嬲唔理，但作為公眾人物，唔應該將錯誤訊息畀人，而且公眾地方始終唔好。」
至於MV女主角Kabby則表示曾和Coffee合作電影，對她的行為表示：「唔係嘛，殘廁入面Gathering？我覺得好唔衞生囉，私人事應該留番私人地方做，不論係唔係公眾人物都唔應該。」
文：音樂組