阿佘見仁就咀 冇衝動生B
藝人佘詩曼昨晚為好姊妹周家蔚的嬰兒用品店開張撐場，她到場第一時間抱起契仔洪大仁又攬又錫，一副慈母模樣，但阿佘坦言已過了生B的衝動期。而周家蔚則透露新店投資近7位數，望一年回本。
藝人周家蔚在銅鑼灣投資近7位數，開近千五呎的嬰兒用品店「THE 7TH DAY」，昨晚進行開幕儀式，老公洪天明與囝囝洪大仁固然在場打氣，一班姊妹好友包括佘詩曼、湯盈盈、文頌嫻、梁靖琪、姚樂怡、謝天華與太太等均有撐場。阿佘一到場即抱起契仔大仁，又攬又錫冧到爆，被問到看見眾姊妹的小朋友可有生B衝動？她說：「過咗喇，佢哋出世時好得意就想有，但見佢哋要餵奶、冇得瞓，未至於嚇怕嘅，諗諗先啦。」講到陳茵媺湊仔傷手復工無期，阿佘說：「休息吓啦，陳豪做咪得囉，佢做幸福少奶奶啦。」
忽略囝囝脾氣
周家蔚表示前日在舖頭執拾到凌晨5點，坦言近期忽略了兒子：「呢個星期少見個仔，佢脾氣都差咗，冇諗過開咁大間舖，因為贏咗《我要做老闆》先搵到，希望一年回本啦。」而被指冧爆健身教練的梁靖琪，就否認戀情：「佢係幾靚仔，但係人哋已經有老婆同小朋友。」
文：影視組