Crystal猴擒攬仔

組合HotCha成員張紋嘉（Crystal）昨日與舞台劇演員陳健豪出席舞台劇發布會，新劇以足球為主題，Crystal飾演男主角背後的小女人，問到可有親熱情節？她笑說：「唔會啦，佢驚咗我，我太放！」陳健豪則爆Crystal在綵排時表現「猴擒」：「佢真係好放，話攬就攬，有一幕要求我孭佢，佢即刻擒咗上嚟，仲有一幕係我哋鬧交，鬧到佢要摑我。」問到現實中可會對男友動粗？Crystal說：「我冇摑過，畀人摑就有，我好少施暴力，通常都係打爆啲傢俬。（畀前男友打？）男仔有時激動，推撞吓啫。」