古天樂冒雨氹老竇
圈中出名的孝順仔古天樂，前晚趁父親節相約雙親出外食飯慶祝，為逗家中兩老開心，古仔更同時邀來蔡一傑及蔡一智一家三口，一於人多氣氛更熱鬧。當晚8時多，各人陸續抵達位於大坑的餐廳，而於古仔到場時正值下着雨，餐廳老闆娘步出，細心地開定雨傘為他遮雨，一身便服打扮的古仔下車後匆匆入內會合大家。
蔡一傑面紅紅走先
晚上十時多穿上格仔衫的蔡一傑先行離開，飲到面紅紅的他行至路邊截的士，未幾有車駛至，臨上車前蔡一傑滿面笑容友善地向記者揮手告別。及至晚上十一時，其他人亦開始步出，只見古仔細心地安排雙親登上七人車，然後再自己上車，告別其他友人後，一家三口齊齊由司機接載回家休息。
同場蔡一智太太周雪芳拖着女兒步出，當女兒看見記者拍照時閃光燈閃不停，即「嘩」一聲大叫，用手擋鏡之餘更大聲說：「我以為行雷呀！」，周雪芳即笑笑口帶她登車，安坐於後座的她鬼馬地半拉上窗簾然後向外偷望。
文：追蹤組