廖碧兒祝舊愛BB健康
藝人廖碧兒（Bernice）、Rosemary及旅遊作家項明生前晚出席活動。Deep V上陣的Bernice被問到舊愛劉愷威誕女一事，她坦言未有發短訊祝賀，但仍大方表示：「透過你哋（記者）恭喜佢啦！最緊要BB健康！」
對於被指暗撻法國酒莊莊主，她則笑說：「都係朋友啫！（有冇人追？）OK啦！依家好好，我都唔心急。」近年愛上品酒的她風騷稱：「依家識咗多啲圈外人，講嘢放鬆啲。其實我都冇話Prefer同圈外人做朋友，不過識多咗朋友係開心嘅！」Bernice透露即將考品酒師牌，故頻頻出席紅酒活動及上堂。