王子涵留學偷師變烹飪天才
王晶女兒王子涵（Ada）外形纖瘦，但原來是為食妹一名，最愛「捐窿捐罅」找尋隱世食店，亦愛自己下廚煮幾味。Ada表示對食並不挑剔，任何國家的菜式也不拘，唯獨不吃辣。
Ada透露在英國讀書時練就烹飪絕技：「我都會食即食麵，但一日三餐都會厭，所以開始自己煮嘢食，經過不斷失敗再改進，練成好工夫，我最拿手煮白汁菠菜鮮蝦意粉，呢個係我喺英國嘅一間餐廳度偷師學番嚟，你落單之後，個廚師會喺你面前即時煮，睇多幾次就學識。至於中餐我最叻係煮粟米雞扒、蒸水蛋，我仲識煲湯同涼茶！」她笑言朋友試過其手勢後也大讚有餐廳水準，不過爸爸王晶就不肯試食。
髮型：Samuel Ng@Hair Corner