蘭子鴨店見識 阿媽上身
曾與前漫畫家、現為名畫商人祁文傑、藝人方中信等拍拖的陳淑蘭（蘭子）昨日偕趙哲妤（Uny）出席有線節目《蘭子的7卡半鑽石》記招，自嘲「井底老蛙」的蘭子指現今富二代雖有父蔭，但大部分均見識廣兼努力；跟利希慎家族後人利承武相戀的她更笑道：「真係生錯時勢。（唔怕另一半扭耳仔？）依家都好感恩。（遇過壞男人？）可能後生嗰時唔係咁好彩，遇過啲公子哥兒唔係咁長進。」
女人要好命
蘭子表示女人最緊要命好，否則遭男人拋棄更慘，又透露之前邀得好姊妹羅霖做嘉賓：「我唔好意思問咁多，但佢好肯講，我發現有啲豪門真係深似火海。有不少好友嫁入豪門生活更苦，老公有小三已很畀面叫專一，有些甚至「小11」。」她又自爆五、六年前跟朋友到北京的牛郎店見識，可惜有心無力，只用眼食冰淇淋：「啲男仔叫我跳舞，我話冇力，叫我食煙，我話對身體唔好，好似阿媽教仔咁。」
Uny有老外追
而穿低胸裙露3吋事業線的Uny，將貼紙黏在半裸男模的下半身，笑言要揀「好生養」的男人，更稱「有褲襠先有水喉」，望覓得搵銀能力高她一倍的「筍盤」。蘭子則推薦前度祁文傑給她，大讚對方靚仔兼愛後生女。不過傳搭上周麗淇舊愛、紗廠太子爺Eric的Uny，讚對方靚仔但不夠浪漫，並謂早前獲外籍人士猛烈追求，相識三、四天更贈她五位數名錶，Uny直言對老外有心跳感覺。
文：影視組