鄧佩儀遭巴西球迷熊抱
應屆華姐冠軍鄧佩儀（Gloria）正身在巴西為無綫直擊世界盃，前晚難得有機會現場欣賞世界盃開幕禮及揭幕戰巴西對克羅地亞，巴西最終勝出，全場球迷陷入瘋狂狀態，氣氛熾熱。
力捧巴西的Gloria一身巴西躉打扮，未入場先興奮，場外遇見巴西球迷分外親切，齊齊高呼巴西贏波。Gloria訪問巴西球迷時感受到當地人的「熱情」：「訪問完一個巴西球迷，佢突然攬住我，太突然我嗌咗出嚟，之後佢話巴西人係咁熱情，成日都會擁抱，我都覺得OK嘅，冇hard feeling。」Gloria又大讚克羅地亞球迷有風度賽前只希望打和，不想有人輸波失望。